Barker o hlola Yanga ho phahamisa mohope wa pele le Simba SC

Mokwetlisi wa mehleng wa Stellenbosch eo ha jwale a kwetlisang sehlopha se seholo sa Simba SC ya Tanzania, o hapile mohope wa pele le sehlopha ka ho hlola Young Africans.

Simba, e hlotse Yanga ka 1 – 0 papading ya makgaolakgang a a mohope wa Muungano e bile e le papadi e kgolo naheng ya Tanzania e tsejwang ka Kariakoo Derby.

Steve Barker e ba mokwetlisi wa pele ho ho hlola Yanga dilemong tse tharo tse fitileng. Yanga e nkile papadi ya bolo ka setsokotsane naheng ya Tanzania moo e kgakgatha Simba nyele le bosiu.

BALA HAPE: Cardoso ka mora papadi: Mamelodi Sundowns e bile lehlohonolo

Dibapadi tse pedi tsa Afrika Boroa Neo Maema le Rushine De Reuck, e bile karolo ya nalane le ha Maema a kene a hlaha bankeng De Reuck yena a qadile le papadi.

Bobedi dihlopha tsena ditseka ho hapa sehla sa dipapadi moo se seng se dutseng boemong ba pele ha se seng se dutse boemong ba bobedi.

BALA HAPE: Seema o sebedisa makejakejane a DDC ho hlola Chiefs