CAF e tjhetjhisa dipapadi tsa WAFCON ka dikgwedi tse tharo

Mokgatho o tsamaisang bolo ya maoto kontinenteng ya Afrika wa CAF, o phatlaladitse ha dipapadi tsa WAFCON ditjhetjhisitswe morao ka dikgwedi tse tharo ho tloha ha jwale.

CAF e tsibisitse ha WAFCON ya 2026 e eng e loleka ho bapala kgweding ena [Hlakubele] e tla bapala ka kgwedi ya Phupu.

Qeto ya CAF e tla ka mora hore naha ya Morocco e hule qeto ya bona ya ho tshwara dipapadi tsena hang ka mora dipapadi tsa AFCON tse bileng kgweding ya Tshitwe le Pherekgong.

CAF, e entse tsibiso ya ho tjhetjhiswa ha dipapadi ntle le ho tsibisa sebaka kapa naha e tla tshwara dipapadi tsena ka nako e tsibisitsweng.

Le ha hose netefaletso ya semmuso, letona la dipapadi la Afrika Boroa, le hlalositse ha Afrika Boroa e tla tshwara dipapadi tsena le na pejana ho utlwahetse Afrika Boroa e batla ho ditshwara le ha CAF e sa nnetefatsa seo.

Tebello ke ho utlwa hore CAF e tla etsa phatlalatso neng le hore ke naha e feng e tla tshwara dipapadi tsena.

BALA HAPE: Gallants e latswa tlholo ya pele ya 2026