Chiefs e arohana le sebapadi seo e neng e batla ho fapanyetsana ka sona

Sehlopha sa Kaizer Chiefs se phatlaladitse karohano ya bona le Lehlohonolo Matlou eo e leng sebapadi sa bohareng ba lebala.

Matlou ya tshwentsweng ke dikotsi o hlokile lehlohonolo la ho bapala ka mora ho fihla sehlopheng ka 2022 a tswa sehlopheng sa Swallows.

BALA: Durban e tsibisa mokwetlisi ho hlahlama Pitso Dladla

Ho utlwahetse ha Chiefs e ne e batla ho fapanyetsana ka sebapadi sena le Stellenbosch bakeng sa ho fumana Langelihle Phiri eo sehlopha se leng mehlelang ya hae.

Le ha hole jwalo, dipuisano tse kenyeletsang phapanyetsanong dinyopile jwalo ka ha ho utlwahala Stellenbosch se batla tjhelete.

BALA: Sithole o ntsha maikutlo pele ho papadi kgahlano le South Korea