Kaze o fumana mosebetsi o mong ka hara Afrika Boroa

Mokwetlisi ya qetang ho lokolwa ke sehlopha sa Kaizer Chiefs Cedric Kaze, o fumane mosebetsi o mong wa ho kwetlisa ka hara Afrika Boroa.

Hoya ka UnplayableZA, Kaze o fihleletse ditumellano le Sekhukhune ka mora hore ho utlwahale bobedi bole dipuisanong tsa tshebetso ho hlahlama Eric Tinkler.

Kaze, o bile le Chiefs dihla tse pedi moo e bileng motlatsa mokwetlisi sehleng sa pele mme a sebetsa jwalo ka mokwetlisi wa kopanelo [co-coach] le Khalil Ben Youssef sehleng sa bobedi.

BALA: Mandla Ncikazi: Tito ke sebapadi sa maikutlo

Kaze ya kileng a kwetlisa sehlopha sa Young Africans [Yanga] ya Tanzania, o bile le seabo se seholo ho thusa Chiefs ho qeta e dutse boemong ba boraro le ha botsamaisi bone bo batla boemo ba bobedi bonyane.

Sekhukhune se abetse Kaze tumellano ya selemo le monyetla wa ho eketsa ka selemo se seng e bang a ka kgotsofatsa botsamaisi.

BALA: America e thibela moletsaphala wa Afrika ho leba mohopeng wa lefatshe