AmaZulu e kena selekaneng le sehlopha sa Spain
Sehlopha sa AmaZulu se thehile selekane le sehlopha sa Spain se bapalang ho La Liga sa Levante.
Selekane sena, ke se reretsweng ho thusa ka ntshetso pele ya dibapadi tse tlase dilemong kwano Afrika Borwa.
Ha a hlalosa tshebedisano mmoho ena, CEO ya AmaZulu Sinenjabulo Zungu-Ntuli o hlalositse ha sena e le mohato wa bohlokwa ntshetso peleng ya sehlopha.
BALA: Williams o re papadi kgahlano le Al-Ahli e tlaba boima
“Re thabetse selekane sena. Setlo tlisa diketsahalo le ntshetso pele dibapading tse nyane tsa AmaZulu,” ho realo Zungu-Ntuli.
“Sena ke mohato wa pele wa ho etsa bonnete ba hore ntshetso pele ya rona e maemong ao re a batlang.”
Levante hase sehlopha sa pele sa mose ho tsetela dibapadi tse tlasa dilemo kwano Afrika Borwa le Afrika ka bophara.
BALA: O nahana Mosimane o tla bitsa mang le ho tlohela mang?
