Letsie Koapeng o thusa Durban City ho hapa papadi
Setlabotjha sehlopheng sa Durban City Letsie Koapeng, o thusitse sehlopha sa hae ho hlola Siwelele FC ka ntlha tse pedi ho noto (2 – 0) papading e bapalletseng lebaleng la Chatsworth, Durban.
Koapeng o hlabile ntlha karolong ya pele ya papadi ha ntlha ya bobedi e hlabuwe ke Bokang Mokwena karolo ya bobedi ya papadi.
Koapeng o qadile sehla le sehlopha sa Orbit College eo le yona e fihlang ho Betway Premiership mme a ba hlabela ntlha ya pele ho Betway Premiership.
Mohlabadintlha enwa ya dilemo di 33, o bapetse dipapadi tse tharo tse qalang sehla le Orbit mme ha utlwahala a arohane le sehlopha hang hang ntle le ho tsibisa mabaka.
Koapeng e bile karolo ya sehlopha sa City dihora ka mora ho tsibiswa a tekenwe ke sehlopha, yena le Terrance Mashego mme papading ya hae ya pele ke ha a hlabela City ntlha le ho bathusa ho hapa papadi.
City, e nyolohetse boemong ba bone ka mora dipapadi tse tsheletseng e hlotse tse tharo ya bapala maleka ho tse pedi mme ya hlolwa ho e lengwe.
Papadi e latelang e ka moqebeke ka kgahlano le sehlopha sa Mamelodi Sundowns. Papadi ena e tla bapalla lebaleng Lucas Moripe ka hora ya borobedi bosiu.
