Lorch le Lakay ba thusa dihlopha ha Davids a fokotsa kgatello ka tlholo

Mafelo a fitileng a beke e bile a tletseng monyaka wa papadi ya bolo bakeng sa bakwetlisi le dibapadi tsa Afrika Boroa kontinenteng ya Afrika.

Ka moqebelo Al Ittihad ya Thembinkosi Lorch, e ne e le kgabong moo ba hlotseng papadi ka 2 – 0 kgahlano le Abelasshar.

Lorch o thusitse ho hlajweng ha ntlha ya pele ya sehlopha ka mora hore sehlopha se hlolwe ke ho hlaba thaho ya mokoko.

Hona ka moqebelo, Sebapadi sa Ceramica Cleopatra Fagrie Lakay, le wena o bapetse karolo e kgolo ha sehlopha sa hae sene se bapala maleka a 1 – 1 kgahlano le Wadi Degla.

Cleopatra, ke se seng sa dihlopha tse tswile tjaro naheng ya  Egypt ho batla ho hapa sehla mme ha jwale ba dutse boemong ba bone moo ba lekanang le Al Ahly le Pyramids ka dintlha (37 points).

Ka mantaha mesong, mokwetlisi ya tlasa kgatello wa Raja Club Athletic, o hapile papadi ka 1 – 0 kgahlano le HURSA.

Fadlu Davids, o tlasa kgatello ya botsamaisi bosa kgotsofalang ba sehlopha bo batla sehlopha se bapale ka tsela e itseng.

Davids, o tshwara a tlohela moo a bapalang maleka ho tse ding tsa dibapadi mme seo se hlokisa botsamaisi tshepo he yena.

Raja, e se e bapetse dipapadi tse 14 mme e bokeleditse dintlha tse 27. Sehlopha se bapetseng maleka ha 6, sa lahlehelwa ha nngwe le ho hapa dipapadi tse 7.

Davids hase yena fela mokwetlisi wa Afrika Boroa ya tlasa ditshehollo jwalo ka ha Rulani Mokwena le yena a feta tekong e matla.

Mokwena ya kwetlisang MC Alger, o se a bapetse dipapadi tse tharo moo a lahlehetsweng ke tse pedi le ho bapala maleka ho e le nngwe.

Sephetho sena se tlisitse ditshehollo tse matla ho Mokwena hore a fetole tsela eo a bapalang ka yona.

BALA HAPE: Saleng le Rayners ba kenela ho hlolela Sundowns papadi