Mokwetlisi wa Chicago Fire o hlalosa qeto ya ho tekena Dithejane

Ka mora ho tekena sebapadi sa Orlando Pirates se bapalang morao, Chicago Fire e kgutletse Afrika Boroa le ho hlotha sebapadi se seng se bokamoso bo kganyang.

Sehlopha sena sa America, se tlotse matjato a masesane le ho tekena Puso Dithejane ya neng a batlwa ke dihlopha tse pedi tse kgolo ka hara Afrika Boroa (Mamelodi Sundowns le Kaizer Chiefs).

Sebapadi sena sa mehleng sa TS Galaxy, e tlaba sebapadi mmoho le Mbekezeli Mbokazi ya lebileng sehlopheng sena dibekeng tse fitileng.

Ka mora ho tekena sebapadi sena se hlabileng dintlha tse tharo papading e le engwe kgahlano le Chippa, mokwetlisi wa Chicago o hlalositse ha ba tekenne sebapadi se nang le boiphihlelo.

“Hare amohela Puso ho Chicago, re akaretsa sebapadi se senyane sa Afrika Boroa se hlwahlwa sehlopheng sa rona,” ho realo Gregg Berhalter.

“Mahlahahlaha a hae a tla tlisa botsitso sehlopheng sa rona jwalo ka ha a tswelapele ho ikaha le ho matlafatsa sehlopha dihleng tse ding tse tlang.”

Dithejane o kene tumellano ya dilemo tse nne le kgonahalo ya ho eketsa ka selemo mme dikateng tsa tumellano dipakeng tsa dihlopha, e batla e le pinyane hore sebapadi se tsamaile ka tjhelete e ballwang kae.

Sebapadi sena se bapetse dipapadi tse 63 sehlopheng sa TS Galaxy mme mathwasong a sehla se hodimo sa 2025/26 o ne a tswile tjaro ya mabonwa mme a hlaba dintlha tse nne le ho thusetsa ho tse nne.

BALA HAPE: Ntwa bakeng sa ditshebeletso Puso Dithejane e tswelapele