Pakistan e hlola Afrika Boroa letotong la T20
Naha ya Afrika Boroa e hlotswe ke naha ya Pakistan letotong la dipapadi tse tharo tsa T20 ka papadi tse pedi ho e le nngwe (2 – 1).
Pakistan, e tlile e se e hlaha ka morao ka mora hore Afrika Boroa e hape papadi e bulang ka mematho e 55 ka la 28 Mphalane.
Papading ya bobedi ke moo Pakistan e tlontlollotseng Afrika Boroa ka ho ba hlola ka wicket tse robong (9 wickets win) le ho lekanya dintlha (1 – 1).
Ka moqebelo wa la pele Pudungwane, dihlopha dikopane bakeng sa papadi e kgaolang kgang mme ke moo Pakistan e tswetseng pele ka mosebetsi wa bona.Naha e na e hapile lotho mme ya kgetha ho akgela pele.
Afrika Boroa e kgonne fela ho etsa mematho e 139 makeng a bona, ho tswile dibapadi tse robong (139/9).
Makenong a bona, Pakistan e kgonne ho lelekisa mematho ya Afrika Boroa le ho dula ho 140 ho tswile dibapadi tse tsheletseng (140/6).
Sena se file Pakistan tlholo ya wicket tse nne le tlholo ya letoto la papadi tse tharo tsa mofuta o mokgutshwane (2 – 1 win).
Dihlopha ka bobedi ditla fetola mawa le ho itukisetsa dipapadi tsa di’ODI tse tharo. Papadi ya pele e tla qala kala 04 Pudungwane lebaleng la Iqba.
BALA HAPE: Di’Proteas dibutse letoto la T20 ka tlholo
