SAFA e sebeletsa ho tlisa VAR Afrika Boroa
Mokgatlo o laola bolo ka hara Afrika Boroa wa SAFA, o motjeng wa ho tlisa Video Assistant Referee (VAR) ka hara Afrika Boroa.
Mafelo a beke a fitileng moifo wa Afrika Boroa o neng o eteletswe pele ke moletsaphala wa mehleng Daniel Bennet, o ne o le Spain moo baneng balo lekola mofuta le tsela eo VAR e sebetsang ka ona.
Taba ya VAR ke ntlha eo barati ba papadi ya bolo Afrika Boroa e sale ba beha matsoho diphatleng ka mora hore letona la dipapadi le etse tshepiso selemo se fitileng.
Ha jwale mosebetsi o moholo jwalo ka ha ho lekolwa mofani wa ditshebeletso eo e tlaba yena a tla kenya VAR ho shejowe le ditjheho.
Bennet eo e le yena a eteletseng moifo wa ho fumana VAR pele, o hlalositse ha PSL e hloka VAR ya boleng bo hodimo e lokelang boemo ba yona.
Bennet o qetile mafelo a beke a le Spain moo a neng a lekola tshebetso pele a kgutlela lapeng moo a tla fana ka raporoto ya seo a se boneng.
Ho ya ka lehlokwana la tsela, SAFA e batla ho thusa VAR dipapading tse pedi tsa mohope wa Nedbank tse tlang pele ho makgaolakgang.
Sena setla netefaditswa kapa ho latolwa ka mora dikopano tse tla tshwarwa ke baikarabella ka ha hotla tswarwa dikopano bekeng ena.
BALA HAPE: Witbooi o ntshitse maikutlo ka papadi kgahlano le Japan
