Brayan Leon o qhwaya dihlopha ho itukisetsa sehla se tletseng dintlha
Mohlabadintlha wa Mamelodi Sundowns Brayan Leon Muniz, o rometse molaetsa o matla dihlopheng tsa Betway Premiership.
Leon ya hlabileng palo e hodimo ya dintlha le ha a fihlile ka karolo ya bobedi ya sehla Afrika Boroa, o hlalositse ha a batla ho hlaba dintlha tse fentang tsa sehla se fitileng.
Puisanong le Mamelodi Sundowns Magazine, Leon o hlalositse ha a thabetse ho leba lapeng moo atla phomola le ho qeta nako le lelapa.
“Ke thabetse ho ya lapeng hoba le lelapa le metswalle Colombia,” ho realo Leon.
BALA: Chiefs e tswelapele ho tshwara dipuisano letsholong la ho fumana mokwetlisi
“Ketla sebedisa nako eo ho phomola le ho itukisetsa sehla setlang sa dipapadi.”
Leon o hlabile dintlha tse 15 ka dipapadi tse 26 ditlhodisanong kaofela ho kenyeletsa CAF Champions League.
“Sehleng setlang ke batla ho hlaba dintlha tse ngata hofeta sehleng se fitileng. E bang ke kgonne go hlaba dintlha tse 15 ka karolo ya bobedi ya sehla, ke ya tseba hore nka hlaba tse fetang ka sehla kaofela.”
“Ke batla ho thusa sehlopha ho hapa mehope e mengata mme e tloba sehla se monate bakeng sa rona.”
BALA: Tunisia e hlwaya mokwetlisi dihora ka mora ho nyaola Lamouchi
