Sundowns ha e tsebe letho ka kahlolo ya FIFA ho Ribeiro

Sehlopha se ditabeng sa Mamelodi Sundowns, se hlalositse ha sesa tsebe letho ka taba ya kahlolo ya sebapadi sa bona sa mehleng Lucas Ribeiro Costa.

Ho ya ka Robert Marawa, ya hlalositseng a botsitse ka ntlha ena, o hlalositse ha sehlopha seso fumane letho mabapi le nyewe ena ho tswa ho FIFA.

“Ke botsitse sehlopha ka tsa moraorao mme sehlopha se itse ha seso fumane letho ho tswa ho FIFA,” ho realo Marawa.

Ditlaleho tsa moraorao dikume ha FIFA e ntshitse kahlolo ya hore Ribeiro a lefe sehlopha tjhelete eo ba morekileng ka yona.

Le ha hole jwalo, moemedi wa sebapadi le yena o bonahetse a le lefifing ka ditlaleho tsa moraorao tse amang mmuelwa wa hae.

Sebapadi sena se ile sa itokolla sehlopheng a leba Spain ka mora hore Sundowns e hane ho molokolla.

Ha jwale Ribeiro, o bapalla sehlopha sa Esperance de Tunis ya Tunisia moo a seng a hlabile ntlha mme kgonahalo e kgolo ya hore a ka tobana le se seng sa dihlopha tsa Afrika Borwa dipapading tsa kontinente.

BALA: Messi o kwala kgaolo ya dipapadi tsa matjhabatjhaba ka dintlha