PSL e tsibisa lotho ya dipapadi tse qalang sehla
Mokgatlo o ikemetse o tsamaisang papadi ya bolo ka hara Afrika Borwa wa Premier Soccer League [PSL], o ntshitse letsatsi leo papadi ya bolo e tla kgutla ka lona.
PSL e ntshitse letoto la dipapadi le tsela eo dihlopha ditla bapala ka yona dipapadi tsa tsona tse qalang sehla.
Dipapadi tsa Betway Premiership, ditla thakgoha ka la pele kgweding ya Phato moo sehlopha sa Orlando Pirates setla nkana le Milford eo e leng ditlabotjha ho Betway.
Ka letsatsi leo, dipapadi tse tsheletseng kaofela ditla bapala mme tse pedi dibapale letsatsi le latelang la sontaha.
Sehlopha se seng seo e eleng ditlabotjha (Kruger United) e tla tobana le Kaizer Chiefs e qetileng e dutse boemong ba boraro.
Mamelodi Sundowns e qetileng e dutse boemong ba bobedi, e tla tobana le Marumo Gallants e phemmeng selepe ka papadi ya ho qetela ya sehla.
