Sebapadi sa Chiefs se leba naheng ya Morocco

Sebapadi sa sehlopha sa Kaizer Chiefs se hlaselang [winger] Glody Makabi Lilepo, o ngotse molaetsa o bontsha a tla arohana le sehlopha leqhepheng la hae la Instagram.

Lilepo eo ditumelano tsa hae le sehlopha difihlang pheletseng mafelong a sehla [30 Phupjane] o ngotse molaetsa “leaving bye le bye bye” e leng se hlalosang ha a tsamaya.

Ho ya ka lehlokwana la tsela, Lilepo o tla leba naheng ya Morocco sehlopheng se kwetliswang ke Fadlu Davids wa Afrika Boroa sa Raja Casablanca.

Pejana ho ile ha qhoma menyenyetsi ya hore sebapadi sena setla tsamaya sehlopheng jwalo ka ha sehlopha sene sele lesisitheho ho kena ditherisanong tsa selekane se setjha le sebapadi.  

BALA: Bakwetlisi ba Afrika Boroa ba sebetsa hantle dinaheng tse fapaneng

Sebapadi sena se bapatse dipapadi tse 27 moo a qadileng dipapading tse 23 mehopeng ka kakaretso

27 Matches played

5 Goals

4 Assists

Ka kakaretso sebapadi sena se bapetse dipapadi tse 42, a hlaba dintlha tse 10 le ho thusetsa dintlheng tse 5 dihleng tse pedi tseo a bileng le tsona ho Chiefs.

E bang a ka fela a tsamaya, Lilepo o tla tsamaya a pepile karete e kgubedu ka mora ho fumana dikarete tse pedi tse tshehla papading eo a hlabetseng sehlopha ntlha ya tlholo a be a hlobola papadi e so fele ho bontsha thabo.  

BALA: Sebapadi sa mehleng sa Chiefs sena le toro ya ho kwetlisa sehlopha